BUXVSSB.UZ

Prezidentimizning 2020 yil 26 martdagi “Oʼzbekiston Respublikasida Koronavirus infektsiyasi keng tarqalishining oldini olishga doir qoʼshimcha chora-tadbirlar toʼgʼrisida”gi qarori bilan xususiy shifoxonalarga koronavirus infektsiyasini davolashga ruxsat berilgan edi.
Tibbiy faoliyatni litsenziyalash tartibi toʼgʼrisidagi Nizomda ham nodavlat tibbiyot muassasalari Sogʼliqni saqlash vazirligi tomonidan tasdiqlangan diagnostika va davolash standartlariga, sanitariya-epidemiologiya qoidalariga qatʼiy rioya qilishi lozimligi alohida taʼkidlangan. Continue reading →

Бугун эрталаб соат 9.00 да вилоят ҳокимлиги соғлиқни сақлаш бошқармаси мажлислар залида бошқармага янги тайинланган раҳбар Ғафур Нормуродович Саидовнинг ишга киришиши ва собиқ раҳбар Илҳом Исломович Нарзиевни ишдан кузатишга бағишланган йиғилиш бўлиб ўтди. Continue reading →

Bugun butun bashariyat qatori bizning oʼzbek xalqi ham koronavirus pandemiyasi sabab ogʼir sinov va qiyinchiliklarga qarshi matonat bilan kurashmoqda.

Ushbu ayyor ofatning mamlakatimiz hayotiga salbiy taʼsirini yumshatish, fuqarolar salomatligini asrash, ularni ijtimoiy, iqtisodiy jihatdan himoya qilish boʼyicha davlatimiz, hukumatimiz tomonidan oʼz vaqtida koʼrilayotgan chora-tadbirlar samarasini bermoqda, albatta.

Mana shunday murakkab va tahlikali vaziyatda mard va jasur, olijanob xalqimiz yanada jipslashib, oʼzaro yordam, mehr-oqibat, hamjihatlik va ahillik kabi yuksak insoniy fazilatlar sohibi ekanini yana bir bor amalda namoyon etib kelayotir.

Bu borada, oʼtgan ogʼir damlar va bugungi pandemiya davrida Buxoro viloyatida ham keng koʼlamli ishlar amalga oshirib kelinmoqda. Jumladan, Inqirozga qarshi kurash, “Mehr va saxovat” jamgʼarmasi mablagʼlari hisobidan, shuningdek, mahalliy hokimliklar, saxovatpesha yurtdoshlarimiz tomonidan pandemiya sababli aholining murakkab ahvolga tushib qolgan qatlamlariga 8,7 mlrd soʼm bevosita yoʼnaltirildi. Olot va Qorakoʼl hamda Sardobadagi ofatdan jabr koʼrganlarga 14,2 mlrd. soʼmlik moddiy yordam koʼrsatildi.

Bundan tashqari, sektorlar tomonidan 42 ming 713 nafar ehtiyojmand fuqaroning 17 ming 903 nafari tegishli roʼyxatdan, yaʼni, kambagʼallikdan chiqarildi.

.

Аyni paytda sinovli kunlarda ogʼir iqtisodiy-ijtimoiy ahvolga tushib qolganlarga xayriya va saxovat mablagʼlarini manzilli yetkazish, begʼaraz homiylik ishlariga keng jamoatchilikni jalb etish boʼyicha keng koʼlamli ishlar amalga oshirilmoqda.

Mana shunday insonlarni munosib taqdirlash maqsadida Oʼzbekiston Respublikasi Prezidentining 2020 yil 26 maydagi “Mehr-saxovat” koʼkrak nishoni bilan mukofotlash toʼgʼrisida”gi farmoni tasdiqlangan edi. Farmonga koʼra, murakkab vaziyatda xalq, fuqarolar taqdiriga befarq boʼlmay, oʼzining xayirli saxovatlari bilan barchaga oʼrnak boʼlib kelayotgan saxovatli tadbirkorlar, davlat va jamoat tashkilotlarining fidoyi xodimlari hamda boshqa tashabbuskor va faol fuqarolar “Mehr-saxovat” koʼkrak nishoni bilan mukofotlanishi belgilangan.

Bugun, 30 sentyabrь kuni viloyat hokimligi majlislar zalida mana shunday jonkuyar insonlar-tibbiyot xodimlari, saxovatpesha yurtdoshlarimiz, shuningdek, bir guruh koʼngilli buxoroliklarning 48 nafari “Mehr-saxovat” koʼkrak nishoni bilan taqdirlandi.

Tadbirda viloyat hokimi vazifasini vaqtincha bajaruvchi Farhod Umarov barcha taqdirlanganlarni ushbu mukofot bilan samimiy qutlab, koʼkrak nishonlarini topshirdi.

Tadbirda bugun shunday murakkab va tahlikali vaziyatda oʼzining olijanob xislati bilan barchaga oʼrnak boʼlayotgan insonlar timsolida xalqimiz yanada jipslashib, oʼzaro yordam, mehr-oqibat, hamjihatlik va ahillik kabi yuksak insoniy fazilatlar egasi ekanligini yana bir bor namoyon etganligi alohida taʼkidlandi.

buxoro.uz

Bugun, 23 sentyabr kuni viloyat hokimi vazifasini vaqtincha bajaruvchi Farhod Umarov viloyat hokimligi, sogʼliq saqlash boshqarmasi, Buxoro davlat tibbiyot instituti mutasaddilari, shuningdek, shahar va tumanlardagi tibbiyot muassasalari, taqsimlash markazi masʼullari bilan “Zoom” internet dasturi orqali onlayn tarzda muloqot oʼtkazdi.

Muloqotda viloyatda koronavirus infektsiyasi tarqalishi bilan bogʼliq epidemiologik vaziyat muhokama etildi. Masʼullar kasallik koʼrsatkichlari, davolanayotganlar soni va bu borada yaratilgan zaxira oʼrinlari boʼyicha hisobot berishdi. Аholi murojaatlari, tibbiy vositalar, dori-darmon, kislorod taʼminoti boʼyicha holat tahlil qilindi.

Viloyat rahbari mutasaddilarga vaziyatning haqiqiy holatini real vaqt rejimida nazorat qilib, yuzaga kelayotgan muammolarni tezkor hal etib borish boʼyicha qatʼiy topshiriq berdi. Davolash ishlarini sifatli va xavfsiz tashkil etish, shu bilan birga, kasallik yuqishining oldini olish muhimligini taʼkidladi.

Buxoro.uz