BUXVSSB.UZ

Ўзбекистон республикаси Президентининг Бухоро вилоятига ташрифларидан сўнг кўплаб республика ва вилоят миқёсидаги раҳбарлар томонидан вилоятнинг шаҳар ва туманлар аҳолиси учун “Сайёр қабуллар” ташкиллаштирилмоқда. Ўзбекистон Республикаси Соғлиқни сақлаш вазири А.Қ.Шадманов томонидан жорий йилнинг 2 апрель куни Вобкент туманида қўшни 5 та туман аҳолиси ва 3 апрель куни вилоят соғлиқни сақлаш бошқармаси бошлиғи И.Нарзиев томонидан Бухоро шаҳрида қўшни 6 та шаҳар ва туман аҳолиси учун “Сайёр қабул” ташкиллаштирилди. Continue reading →

ВИЛОЯТ БОСҚИЧИГА ЙЎЛЛАНМА

Ўзбекистон Республикаси Соғлиқни сақлаш вазирлиги ва Ўзбекистон  Соғлиқни сақлаш ходимлари касаба уюшмаси Республика кенгашининг Қўшма қарорига асосан ҳар йили мамлакатимиз ҳамширалари ўрасида кўрик-танлов ўтказиб келинади. Республика ихтисослаштирилган онкология ва радиология илмий-амалий тиббиёт маркази Бухоро филиалида ҳам “Ҳамшира – 2019” танлови ташкил этилди. Унда бўлимларда сараланган ўрта тиббиёт ходимлари финалда ўзаро куч синашишди. Улар ўз соҳаларига алоқадор амалий ҳамда назарий билим ва кўникмаларини йиғилганларга намойиш этдилар. Continue reading →

Соғлиқни сақлаш вазирлиги ташаббуси билан Тошкент шаҳрида соғлиқни сақлаш соҳасида биринчи Халқаро инвестициявий форуми бўлиб ўтмоқда.

“Фаол инвестициялар ва ижтимоий ривожланиш йили” Давлат дастурини ижросини таъминлаш, соғлиқни сақлаш соҳаси ва фармацевтика саноатида халқаро ҳамкорликни янада кенгайтириш, тўғридан-тўғри инвестицияларни жалб этиш, тиббиёт соҳасининг инвестицион жозибадорлигини ошириш ва бу соҳада халқаро стандартларни жорий этишга қаратилган форумда Россия, Хитой, Франция, Греция, Ҳиндистон, Беларусь, Эрон, Бирлашган Араб Амирликлари, Малайзия ва яқин қўшниларимиз – Қозоғистон, Тожикистон ва Озарбайжон сингари ўндан зиёд мамлакатлардан хорижий компаниялар ҳамда Ўзбекистон тиббиёт ва фармацевтика саноатининг вакиллари фаол иштирок этишмоқди. Continue reading →

Жаҳон соғлиқни сақлаш ташкилоти (ЖССТ)нинг Ўзбекистондаги ваколатхонаси раҳбари Лиан Куппенс Соғлиқни сақлаш вазири Алишер Шадмановга ЖССТнинг безгак касаллигини элиминация қилган давлат мақомини тасдиқловчи сертификатини тақдим этди. Тадбир давомида Л. Куппенс хоним Ўзбекистон сўнгги йилларда ҳудудни безгакдан ҳоли қилиш борасида катта қадам ташлаганини қайд этиб, буни улкан ва тарихий ютуқ сифатида эътироф этди. Continue reading →

ФАХРИЙЛАР ЭЪЗОЗДА…

Унинг болалиги Вобкент туманидаги Авурдувон қршлоғида кечди. Отаси Сайфулло бобо иккинчи жаҳон урушидан омон қайтгач, умр бўйи далада меҳрат қрлиб аёли Муҳрба ая билан саккиз нафар фарзандни вояга етказишди. Шамсиддин мактабда ўқрб юрган кезларида медицинага меҳр кўйди.

Ўша даврларда тиббиёт у қадар ривожланмаган, айниқса қишлоқ ва туман худудларида етакчи мутахассисларга каттагина эҳтиёж сезилаётган эди. Аксарият вилоят марказидан олис қишлоқларда мавжуд тиббиёт пунктларида ўрта тиббиёт ходимлари меҳнат қилар, тиббиётнинг қатор йўналишларида олий маълумотли бўйича кадрлар танқис эди. Оилада дастурхон бошида бўлган гурунглардан бирида отасининг куйиниб гапиргани, она қишлоғида ҳам қачонлардир марказлардагидек шарт-шароитлар яратилишини, билимли, тажрибали шифокорлар ишга келишини орзу қилгани ўсмирнинг ўй-хаёлларини ўзгартириб юборди. У шифокор бўлишга астойдил ахд қилганди. Табиийки унинг қарорини уйдагилари кувватладилар. Мактабни тугатиб пойтахтга йўл олди. Нима бўлдию, ўша йили ўқишга кира олмади. Шун­дан сўнг ҳарбий хизматни ўтаб, она қишлоғига қайтиб келди. Бир муддат колхозда иш­лаб, отасига мадад бўлди. У пайтларда репе­титор дегани қаёкда: даладан ҳориб қайтган оқшомларда бошини китобдан кўтармай дарс қилар, шифокорлик орзусини рўёбга чиқариш учун жонини жабборга берарди. Пухта тайёргарликдан сўнг у ТошМИнинг тиббий профи­лактика факультетига ўқишга кирди. Таҳсилнинг ярмига бориб мазкур факультет талабалари ўша даврнинг эҳтиёжидан келиб чиқиб терапия йўналиши буйича тайёрлана бошланди. Шундай қилиб бўлғуси шифокор (1989-90 й.) собиқ «Главташкентстой» ташкилотига қарашли клиник касалхонада айнан шу йўналиш бўйича интернатудани ўтади. Continue reading →